Dei Foto Songtext / Lyric

Du host as net glaubt und i hobs net glaubt,
daß i amoi von dir furt geh,
damois wias no niemand glaubt hat,
daß du jetzt mit mir gehst.

Es war so leiwand und i woar so selig,
wia ma gsessen san im Klanan Kaffee,
wias dann schön langsam a jeder gmerkt hot,
daß du jetzt auf mi stehst.

Du host ma gsogt i bin dei Märchenprinz,
und du woarst für mi wiar a schener Traum
und wann i di net gspiart hob
hob i nimma schlofn kenna,
dann hab i ma miassen imma dei Foto aschaun.

Mia habn ganz verruckte Sachn gmacht,
zum Beispü a Nacht lang spaziern geh,
weu ma ka Göld mehr ghobt hobn
und ham geh wollt mar a net.
A onders Moi host ma die Wiesn zagt,
wost ois Gschrop imma gspüt host,
mia haben uns so unhamlich gern ghobt,
wias sonst nur in die Biachln steht.

Du host ma gsogt i bin dei Märchenprinz
und du woarst für mi wiar a schener Traum
und wann i di net gspiart hob,
hob i nimma schlofn kenna,
dann hob i ma miassen imma dei Foto aschaun.

Auf amoi woar ois vorbei,
du host ganz plötzlich wegfoahrn miassen,
a hoibs Jahr noch England oda sonst wohi
des hot mi net intressiert.

I bin a net mit dir zum Bahnhof gonga,
des hätt i afoch nimma kenna,
nur agruafen hab i di und du host mi gfrogt
wos jetzt aus uns wird.

I hob da gsogt es is jetzt aus mit uns
und daßd nua manchmoi an mi denken soist,
du host es net verstandn
und host gsogt du wirst ma schreibn,
und i hob jetzt nua mehr dei Foto,
oba des is scho ois.