Was ham die Buam jetzt für a Lebn? Songtext / Lyric

Was ham die Buam jetzt für a Lebn, / bei dera schlechtn Zeit; / was kunnt eahm oana aussasehgn, / gar nix wia grosses Leid; / wenns san so achtzehn, neunzehn Jahr, / wenn d'Arwat tuat oan frein, / so muaß scho oft a Bua davo, / kunnts schlechta wohl no sein? Und is a frisch und is a gsund, / so toant ihn d'Herrn eischreibn; / ko er wartn auf sei Unglücksstund, / dahoam da muaß er bleibn; / da Kaisa schickt aus seine Herrn / und laßt die Buam all holn; / megst geh mit Unwuin no so gern, / es hilft euch nix allmal.
Sie nehmas heut grad, wias eah taugt, / Soldatn müaßts agebn; / auf d'Eltern werd ganz weni gschaut, / wias eahna werd no gehn; / die Gschwista woan, oft groß und kloa, / bei die Eltern hats koa Ziel, / ach Eltern, jetza pfüad euch God, / jetzt müaßts halt Not leidn viel. Ihr Eltern, ach, a traurigs Lebn / habt ihr jetzt in dieser Zeit; / ihr müßt wegn uns viel Sorgn ausstehn / und habt gar wenig Freud; / de junga Jahr, de müassn dro, / drum fang ma jetza o; / es dauert nur a kurze Zeit, / dann kemma mir wiedrum zamm.
Ja seids getrost, es nimmt a End, / es geht vorüba scho; / wenn mia amal in Himmi sind, / is größer aft da Loh; / mia müaß ma halt a so fortlebn, / und 's Kreiz geht nimma aus; / a bißl lusti, liabe Leut, / und mach ma uns net viel drauß.