Ãœber's Loaterl, da steig i net aufi Songtext / Lyric

(1.) Über's Loaterl, da steig i net aufi, / da Gangsteig, der is ma z'hoch drobn, / geh's liaba durch d'Labn schö leise / zu mein Deandl, da bin i's vorn dro. / (Refrain:) Muaßt halt a wengal – schleicha, / muaßt di duckn beim Zaun, / muaßt halt a wengal – pfeifa, / werd wohl außi geh schaugn. // Aba wiagale, woigale, woigale, her zu mir, / heut bist mei Woigale, morgen nix mehr, / aba heut bist mei Woigale – morgen nix mehr!
(2.) Da Erschte steht drobn auf der Loata, / da Zwoate steht hinta da Tür, / da Dritte leit drinn als a broata / und plauscht ihr von Heiratn vür. / (Refrain:) Muaßt halt ...
(3.) Da Vata rennt glei um an Stecka, / de Muatta schreit gschwind um a Liacht. / Des Deandl tuat an Buam glei aufwecka, / dass er gschwind unters Bettstadl kriacht. / (Refrain:) Muaßt ...
(4.) Jetzt hab i mir a Häuserl am Roan gebaut, / jetzt hat mas da Sturmwind vawaht, / jetzt schaugt mi mei Deandl so trauri o, / ja weil i koa Häuserl mehr hab. / (Refrain:) Muaßt ...
(5.) Und Oana geht her übas Wiesei / und Oana geht her übas Feld / und Oana is da Schöna a bissei / und Oana hat a bissei mehr Geld. / (Refrain:) Muaßt halt ...
(6.) Da Oane, der hat halt koa Pulver, / da Andre, der hat halt koa Blei, / da Dritte, dem klemmt halt sei Hahndl, / drum gengans halt hoam alle Drei. / (Refrain:) Muaßt halt ...
(7.) Beim Unterwirt is allwei grob Weda, / beim Oberwirt, da geht da grouß Wind, / beim Bräu unt is's Halsn aufkemma, / beim Blasawirt is z'erscht nix mehr Sünd. / (Refrain:) Muaßt halt ...