I woaß net, was i werdn sollt Songtext / Lyric

I woaß net, was i werdn sollt, ebs Rechts oda ebs Schlechts. / A Schuasta, a Schneida, a Weba war ma schier z'schlecht. / I möcht halt a Jaga sei, / an Holz draußd dats mi frei, / |: und a schöni Kuglbix, / sunst freit mi nix. :| Mei Vata is a Schiffmo gwest, des Ding hat ma gfalln, / aufn Wassa is a abi gfohrn, d' Leit hamdn miassn zahln. / Hina is a selber gfohrn, / herauf hamdn Rössa zogn, / |: und a Bitschn Bier dabei, / da dats mi gfrei. :| Dreizehn Gschwista hand uns gwesn, a siebn sand uns gstorbn, / vier Schwestern habn ma no ghabt, drei ha ma o worn. / Oana hoaßt Jigl, Jugl, Jagl, / und da anda is a Soldatnschlangl, / |: jetzt woll ma zu die Andern geh, / sand zwoamal zwee. :|

Da Veichtl is a da fünftn Schul, hat a Freid mit da Maus, / da Andal is a Bootsmachagsell, hat a scho glernt aus. / 's Annamirl muaß d'Wirtschaft führn, / da Wuschpei muaß d'Menscha liabn, / |: und oana hoaßt Felix, / mit den is gar nix. :|

Was wer ma eahm denn lerna, daß a furtkimmt auf da Welt? / A d'Loata aufisteign und an Leitn nehma 's Geld. / Geld alloa is a net gnua, / a Packl Gwand a dazua, / |: na muaß er naus bei da Tür, / sunst kemman eahm d'Leit für! :|