Gehts hea meinö Boarn Songtext / Lyric

Gehts her, meine Boarn, i muaß enk was sag'n, / ös werdt's ma wohl aba varübl nix habn? / |: Ös habts enka Granitz recht wacka besetzt, / daß enk koan bösartige Krankheit ansteckt. :| De boarischen Füahra, de hand soviel gschickt, / se kennant scho d'Luft, wann sie bösartig is. / |: D'Soldatn, di schiaßnt da Luft glei entgegn, / is des nit a Freud mit dem boarischen Lebn.:| Znachst bi i halt ar auf de Granitz kemma, / da tat i halt ar a weng umespecha; / |: i siach daß eahn Füahra da Kopf einglast is, / und daß an alta Goaßbock sei Domestik is. :|

De boarischn Dokta de hambt ja alls gwißt, / se sagnt, daß da Goaßbock de Krankheit wegfrißt. / |: Es hambt ja fast alle an Goaßbock bei eahn, / de dort auf da Granitz 's Kommando toant füahrn. :|

Mir hand de Stierwascha, dös woaß i vohear, / de Boarn, de waschnt de Küah und de Pferd; / |: und was 's no alls tan hambt, des sag i enk nit, / se kemmant in Faschingsbriaf, des woaß i gwiß. :|

Auf da Bruckn de Gattern de hand halt wohl gschickt, / weil dran se de Krankheit von Weitn scho schrickt. / |: Se traunt se nit zuawe, ja des woaß i bstimmt, / bis daß da Kommissarö mit de Handschuah aft kimmt. :|

De Briaf de se kriagnt von uns, hand ja vogift, / drum werdn se mit kupfane Zangan recht zwickt; / |: aft geht halt des Gift wieder zruck in sei Land, / und hiaz wird in Boarn gar koa Mensch neama krank. :|

Zan Bschluß, meine Boarn, wünsch i enk viel Glück; / Gott hat unsa Salzburger Land no allwei bschützt. / |: Es brauchts koan Schutz Gottes, heit's selber in Stand, / drum han i Respekt für enka tapferes Land. :|