Der Weltverdruss Songtext / Lyric

I hab koan Vater mehr / und a koa Muater mehr, / koa Schwester, Bruader und koan Freund. / |: Bin ein verlassnes Kind / als wia der Halm im Wind, / i bin der Weltverdruss, / so hams mi gnennt. :| Mein Vatern kenn i net, / de Dirndln megn mi net, / wer hat denn 's Glück so ungleich teilt? / |: I hab koa Haus, koa Bett / und a koa Hoamat net, / i bin der Weltverdruss, mit mir is's g'feit! :| Oft steh i drauß im Feld / und schau hinein in d'Welt / und schau, wia d'Welt so unrecht tuat. / |: Der oane kennt koa Nout, / der andre kränkt si z'tout, / wer oamal herzkrank is, werd nimma g'sund. :|

I soll mi lustig stelln, / wann 's Dirndl tanzn will, / spielt's auf zum Tanz an Abend lang! / |: Wenn a de Zither klingt / und 's Herz im Leib sich schwingt, / hat d'Welt für mi koan Klang und a koan Sang. :|

Aft hab i glaubt amal, / dass i an Dirndl g'fall, / da hab i g'juchezt, dass's hat g'hallt. / |: Doch i hätt wissn solln, / sie hat an andern wolln, / für mi hat d'Welt koa Freud und d'Sunn koan Glanz. :|

So pfüati God, mei Schatz, / suach mar an andern Platz, / mi treibt's in d'Welt, mir lasst's koa Ruah. / |: Derweil mei Geign no klingt, / derweil mei Herz no springt, / solang ertrag i's, aber dann is gnua. :|
Und weil mi koana mag, / greif i zum Wanderstab / und wandre in die Welt hinaus. / |: Ihr Berge himmelhoch, / ihr Täler, grüaß euch Gott! / Des war der letzte Gruß vom Weltverdruss. :|