das Wassa is zum Waschn Songtext / Lyric

Das Wassa is zum Waschn, des Bier, des is fürn Durscht,
Den Wein, den kann ma trinkn, fürn Hunger ghert a Wurscht,
Zum Butter ghert a Honig, zum Essig ghert a Öl,
|: A böse Schwiegamuatta ghert owi in die Höll. :| Da Schleifstoa is zum Schleifn, im Land und in da Stadt,
Die Uhr, die kann ma vakaufn, wann ma sunst koa Geld mehr hat,
Zur Braut, da ghert a Bräutigam, damit er 's kontrolliert,
|: Zum Krankn geht a Doktor, damit er leichter stirbt. :| Da Kranke, der im Bette liegt, der braucht a Medizin,
Da Doktor lebt vom Krankn, drum geht er öfter hin,
Drauf kummt da Apotheka, er lebt von alle zwoa,
|: Zum Schluß da Totengräba, er lebt von alle drei. :|