Aba Hansl, spann ei Songtext / Lyric

Aba Hansl, spann ei' und sitz auf und fahr mit, / fahrn ma eini ins Dorf, ja zum Kohlhiaslschmied, / |: denn für'n Fuchsn werds Zeit, daß ma d' Eisn frisch schlagn / und a Kloanigkeit richt' ma de Deichsl vom Wagn. :| Kimmst hin zu da Schmittn, beim Häusl am Grabm, / teans ans brennade Rad an schwa(r)n Roaf onischlagn, / |: is a Lebm auf da Bruckn und de Gselln habm a Freud: / geht da Bua mitn Maßkruag zum Wirt rechta Zeit. :| Bist a Schmied, braucht um d'Arbat di gwiß koana neidn, / kimmt a Rössal, a wilds, derfst an Huaf net voschneidn; / |: ja, d'Arbat vom Schmied, de braucht Kraft und Vostand, / daß de Bauern mitn Zeug vom Schmied ar a Freud hamd. :|