Mier köhret zämme Songtext / Lyric

Raymi La Lengua
Mier köhret zämme Lyrics
S'Bluet flüsst und dä Schmerz schmerzt tüfer. Gib mier Flügel. Ich will flüge weg vom Tüfel, weg vo mine Sünde.

Fühlsch mich? Wieso blibt die scheiss Wuet so rachesüchtig?

Niemert vo eus trinkt s'Glas volle Schmerz fertig. Wiel eusi Gschicht so verstaubt und vernetzt isch.

Drum köhret mier zämme wie d'Kälti zum Iis, wie dä Dampf zu dä Hitz und d'Uhr zu dä Ziit.

S'isch Ziit um vergahngeni Ziit nah z'hole. Kei Sorge, d'Ziit isch wie ä Narkose, glaub mier Baby.

Ich köhr immerno dini Stimm wie es Flüstere. Jedi Tränne seit mier wie ich dänke und ich mich fühle söll.

Du chasch mis Herz verchrugle, aber min Stolz nöd bräche. Du häsch mindestens soviel Schuld wie ich, also dänk dra.

Oder euses Lache landet innere Pfüze und tröchnet us. Du hebsch d'Fäde i dä Händ und weisch ob dich tröste muesch.

Hook 2x

Verse 3 :

Mier sind all gfässlet mitem Chätteli vom Stolz. Wens um's entschuldige gaht, sänkt jede sin Chopf.

Du chasch zwar es Buech zue mache und verbränne, doch du chasch nöd vo eusere gmeinsami Gschicht weg ränne.

Ob guet oder schlächt, es trifft eus diräkt. Es wird nie so wie'd dänksch. Mier Mänsche sind nöd perfäkt. Päch!

D'Liebesfädere blibt gsuecht aber kämpft. Ab und zue han ich sgfühl, ich bin dä einzig wo Respäkt schänkt.

Jedi einzelni Sorge wicklet eus in Schlaf. Zwar brüält dä Morge, doch ich hoff, dass dä Abig wieder strahlt.

Und so lang blib ich dä Wolf wo dä Mond a hühlt. Es brucht immer 2, damit sich d'Liebi tod a fühlt.

Ich küss dä Himmel als Dank für s'Talänt zum textä. En Ängel flüsteret dier zue; erinnere dich a Gester.

Es git nur eis Läbe, eis Herz, ei Seele.

Drum sammle ich vor Angst jedes Grinse und jedi Tränne.

Hook 2x