Wanns a Film wa Songtext / Lyric

da Monat hängt schimplig vorm Fensta in Klaräpfebam
da rostige Pfluag steaht in Regn
wia r a Eisinsekt
de Wäsch auf da Schnur is bockstach
wia vatrucknete Tram
da Kuckuck is zwischn zwoa
handgschnitzte Zoaga vareckt wanns a Film wa
wa r a schea
aba so wia i da steah
mittn drei und di anschau
tuat s glei weah

es Tor fallt mit Eisngschroa
langsam fi alleweil ins Gschloss
die letztn Fäust steahnt in da Luft
wo Vasprechn vahallnt
hundert Jahr Hechzbluat
und Stolz werden zu Angst und Hass
in Gsichta mit Kantn
als warn se vor hundert Jahr gmalnt

wanns a Film wa
wa r a schea
aba so wia i da steah
mittn drei und di anschau
tuat s glei weah

des is Echtzeit des is Leben
s wecht koan zweitn Teil mehr gebn
und koan Abspann
und koa Liacht
und koa Außegeah
a Koffa steaht halb auf da Kantn
glei nebn de Gleis
oa Wort und mei Hoffnung
geaht inta mit Mann und Maus
Zacha und Wimperntusch
auf deina Haut in schwachz und weiß
a Rückliacht vaschwindt in da Nacht
aba koana blend aus

wanns a Film wa
wa r a schea
aba so wia i da steah
mittn drei und di anschau
tuat s glei weah

des is Echtzeit des is Leben
s wecht koan zweitn Teil mehr gebn
und koan Abspann
und koa Liacht
und koa Außegeah