Leben am Land Songtext / Lyric

mir håbn uns a häusal kaft zwischn kastanienbam
glei nebn an bauernhof draußn in jedlham
wo de luft sauba is und de leit echt und gråd
und wo a heit no gwiss ålls sei bestimmung håt
leicht und entspånnt
lebn auf n lånd
oanfåch und pur
mit da natur
mir holn de milch in da friah beim bauern glei nebnbei
weil då san ålle kiah auf da woad völlig frei
es is uns a wichtig dass ma koa chemie nid nimmt
und a de felder nur rein biologisch düngt
åba in da letztn zeit
gibt s mit n bauern månchmål streit
weil de glockn va de kiah
de scheppern gånzn tåg åls wia
um fünfe kraht da blede håhn
glei drauf start er sein traktor ån
dann spritzt er jauchn auf sei feld
und siahgt nid ein dass des a so nid geht
leicht und entspånnt
lebn auf n lånd
oanfåch und pur
mit da natur
mir håbn ålls total umbaut ålls gånz streng nåch feng shui
mir habn a den mühlbach gstaut wegn unserm wåssafåll
mei frau de spielt oft sitar untn beim kloanan båch
wånn i am nåchmittag meine tibeter måch
auf oanmål schneit a motorsåg
den friedn aus an summatåg
sie saglt wia im horrortram
durch wehrlose kastanienbam
da bauer såg de san so ålt
dass båld wem was am schädl fållt
der håt koa gfühl fi de natur
wås denkn solche menschn nur ?
leicht und entspånnt
lebn auf n lånd
oanfåch und pur
mit da natur
in unserm gårtn wåchst wås ma zu lebn braucht
ålls wås ma isst und trinkt und månches des wås ma raucht
hirse und weizngrås maniok topinampur
schwårze johannisbeer rein biologisch nur
wås is då los? es schreit a sau
in todesångst glei hinterm zaun
a schlåchtamesser volla bluat
a wahnsinn wås der unmensch tuat
der håt koa achtung nid vorm lebn
gegn so wås sollts gesetzte gebn
hiatz reichts ma åba hiatz is gnua
hiatz deck i eahm mit klågn zua
leicht und entspånnt
lebn auf n lånd
oanfåch und pur
mit da natur
mia habn a wohnung jetzt um 300 euro kalt
weil unsa häuserl ghört jetzt unsan rechtsanwålt
so wia da bauernhof da wåld und da kloane see
des werd alls wellness park exklusiv für die haute volee
leicht und entspånnt
lebn auf n lånd
oanfåch und pur
mit da natur