I suach mi (aba i find mi nid) Songtext / Lyric

i wår auf jedem seminar
zwischn då und bogota
für ausdruckstånz und freies schreibn
patstellmåln yoga keglscheibn
reiki rennfåhrn und qi gong
canasta obertongesång
jodln töpfern und kung fu
melodika und didgeridoo
i håb scho echt ålls ausprobiert
wås die szene offeriert
voodookult astrologie
gestålt- und urschreitherapie
freien sex und swingerparties
saufn drogn bunte smarties
schwarze messn greanen tee
triathlon und wünschlruatn geh
i suach mi - åba i find mi nid
wo und wer und wås bin i ?
i riah mi - åba i gspia mi nid
wo kimm i her wo geh i hi ?
i hå ma echt scho fåst ålls gebn
wås d da gebn kånnst im lebn
schåchtlweis die pharmazie
danebn 5 kilo globuli
yoga meditiern und betn
aufputschmittl schlåftablettn
tischalruckn und tarot
pendeln und hypnose sowieso
i wår fåst überåll dabei
und wår scho ålls wås gibt zum sei
linker rechter guater schlechter
revoluzzer tugendwächter
opus dei engelwerker
satansjünger und berserker
dichter denker renegat
supertyp und selbstmordkandidat
i suach mi - åba i find mi nid
wo und wer und wås bin i ?
i riah mi - åba i gspia mi nid
wo kimm i her wo geh i hi ?