Häusei am Land Songtext / Lyric

wånnst willst a häusei baun
häusei am lånd
då muaßt wissen wia s geaht
jå då brauchst hausvastånd
es kånn nid a jeda gråd
baun wia r a will
weil zan häuseibaun
då brauchts es richtige gfühl
so a noimoderns glump
kimmt nid auf insan bodn
na weil mir baun ban häuseibaun
auf traditon
brauchn ma nid redn
üba architektur
weil s häuseibaun liegt ins schoa
in da natur
und damit daß dei häusei
so ausschaut wia s muaß
gibt?s regln de lernst in koan
volkshochschuikurs:

nimm an ålts bauanhaus
schau da s guat ån
des is schoa plan gnuag
und då håltst di hiatz drån
nur de fensta måchst greaßa
und an stock ziahgst no ei
und a muats trum garasch dazua
so muaß as sei
vorn aufi pickst zwoa drei
massive balkon
a wånn s häusei fåst umfållt
des is tradition
de nächste entscheidung
is s material
weil mit wås dass d as baust
des is a nid egal
holz beton fertigteil
ziagl und glås
eternit kunststoff
und woaß da gott wås
an echts låndhaus
des is aus ståhl und beton
und auswendig wechts no
mit brettla vaschlågn
und is nåchand fechteg
und s dache schoa obn
brauchst glei mehr es gfühl fi de
de richtign fårbn
lilablåsblåb bordeaux
lachs oda mint
es måcht erscht wås her
wånn s d da wünschst du warst blind
und üba de ti glei nebn s
hirschgweih låßt schreib n
de hoamat muaß so
wia de hoamat is bleibn
zan schlussn geahst no rama
dahoam aufn bodn
suachst heugåbeln sensn
und radla van wågn
des gånze zoig schraufst hiatz
mit sparks auf de wånd
weil des gchecht zan brauchtum
ba ins auf n lånd
und wånns d des ålls tån håst
siehcht jeda va weit
da lebnt patriotn
und aufrechte leut