Graaland Songtext / Lyric

ha mein Sessel ban Fensta
ha s Lebn nachnt da
trotzdem zrinnt s ma valeib
und schwimmt oafach davon
wia r a Rinnsal vasickerts
bis oafach vaschwindt weit draußn en Graaland es gibt Leit de mi futtang
und nebn mir heant
i woaß nid wia se hoaßnt
warum se des teant
so a Gsicht ohne Nam
hat koan Platz fi a Gfühl

weit draußn en Graaland

Bilda aus meina Kindheit
flackern auf wia r Flamm
aba kam dass is gwahcht ha
fallnt se schoa wieda zsamm
meine Augn fangnt Bilda
de machnt koan Sinn
woaß nid wo i gar hekimm
und wer i gar bin
ha koa Zeit und koan Ort mehr
koan Himme koane Stern

weit draußn en Graaland

wia r a Viehch in an Käfig
einwändig in mir
renn i gegn de Wänd
a wann i mi nid riahr
meine Schroa de vahallnt
no bevor i s daschrei

weit draußn en Graaland

alle Kammern sen zuagspecht
alls valassn und laa
alls valorn und vagessn
wia wanns nia gwesn wa
irbat straft mi es Liacht
und i gspia und vasteh
ausn Graaland da gibt?s
glei mehr oan Weg zan geah