Auf Da Roas Songtext / Lyric

freitåg zwoa glei nåch da håckn
tschick und miad und laa
und ehrlich nid guat drauf
i påck mei glumpat zsåmm
weil es is schoa ra spåt
de åndern wåchtnt schoa
mir legn de ånlåg auf
nix wia låsta auf da autobåhn
de erschte baustellnåmpe is schoa roat
entan tauan fångts zan regna ån
und i denk ma irbat:

hey håbn mia des ehrlich noat?
irgendwo a grindigs råsthaus
tankn schiffn
is no zeit fi an kaffee?
wia weit is no?
welcha åbfåhrt miaß ma nehma?
wås mir sen schoa zweit
geh bittschea måchts koan schmäh
i kunnt schoa lång dahoam
en gåchtn liegn
zeitung walkman bierdl
gmiatlich broat
åba na i muaß jå muse spieln
und i fråg i mi irbat: hey hån i des ehrlich noat?
endlich då um 10 nåch sechse
da såål der is in 2.stock
und es is ålls zan trågn
ånlåg aufbauan
schnell an soundcheck
es is heachste zeit
a box de håt an brumma
es is ehrlich zan vazågn
åba nåchnd setzt de band ein
und de muse fåhcht ma
gråd ins hechz
es erste riff reißt ålle wänd ein
und i gspia s hiazt
gånz genau so ghechts
und auf oanmål springt da funkn
und auf oanmål
is wås in dem såål wås loat
und am end kimmt no de ganslhaut
und hiatz woaß i s gånz genau:
mia håbn des ehrlich noat