Fescht im Griff Songtext / Lyric

I bi Magier u Zouberer, spile Räuber u Liebgott, Heile Wunde, flicke Spilzüg, mache Dampfschiff wider flott, Redä hunderttuusig Sprache, holä d'Stärne vom Himmelszält
U ha di ändlech de zum Lache bracht, de füehle mi als Held

I bi Magier u Zouberer, ja das bin ig für di
So hets d Natur halt vomer wölle u i schicke mi gärn dri
Füre churzi Zyt e heili Wält, bis sälber de begrifsch,
Dass mit dr heile Wält nid withär isch u es rüchers Lüftli pfift

Ja, mi Sohn mir sitze itze beidi zäme im gliche Schiff,
Doch es schint mer chlises Mönschli, heigsch mi längschtens Fescht im Griff
Ja, dis Gheimnis wetti wüsse, villich chummi no drhinger,
Sider wickle di i d Windle ja u du mi ume Finger

Bi ke Magier u Zouberer, nid Räuber u nid Liebgott,
Hett äuä mit em chlinnschte Zouber scho mini liebi Not
U eines Tages, we das weisch, de hoffi,
S träffi di nid z hert,
dass o dr Vater nume eine isch, wo Huufe Fähler het

S schint mer ender vo üs beide heigisch du dä Zouberstab,
Ersch e halbi Portion, ja, u scho haltisch mi uf Trab
Au we dis Machtwort nume Gschrei isch, wehe wenns erklingt,
S hout dr schterst Ma us de Fädere,
Wenn du di Zouber bringsch

Ja, mi Sohn mir sitze itze beidi zäme im gliche schiff,
Doch es schint mer chlises mönschli, heigsch mi längschtens Fescht im griff
Ja, dis Gheimnis wetti wüsse, villich chummi no drhinger,
Sider wickle di i d Windle ja u du mi ume Finger

Ja, mi Sohn mir sitze itze beidi zäme im gliche Schiff,
Doch es schint mer chlises Mönschli, heigsch mi längschtens Fescht im Griff
Ja, dis Gheimnis wetti wüsse, villich chummi no drhinger,
Sider wickle di i d Windle ja u du mi ume Finger.

Ja es schint mer chlises Mönschli, heigsch mi längschtens Fescht im Griff