Fasch Wines Gebät Songtext / Lyric

Fasch wines Gebät



Du bisch es Buech mit leere Siite

u niemert hät drii gschribe,

i schrib der gärn aus erschte drii,

e Spruch wo dr söu blibe

Kä Zierschrift u kä Firlefanz,

wüu de Spruch woni hät,

söt klar u eifach drinne stah,

fasch so wines Gebät,

fasch so wines Gebät.






Gib mer Ouge wo chöi luege,

i wett meh aus nume gseh.

Gib mer Ohre wo chöi lose,

wenn me lost de ghört me meh.

Gib mer Flügu wo mi trage,

so wiit de Troum eim treit,

un e Stimm wo für au die Wunder

ab u zue mau danke seit.

Gib mer Füess wo chönne loufe,

u d Geduld mau bliibe z stah.

Gib mer Händ wo chöi begriife,

wä de Chopf nümm nache ma.

Gib mer Flügu wo mi trage,

so wiit de Troum eim treit,

un e Stimm wo für au die Wunder

ab u zue mau danke seit,

ab u zue mau danke seit.



Am Aafang chasch no nüt defür,

was i dim Logbuech steit.

Ersch nadisnah übernimmsch de z Stüür

u seisch wo s düre geiht.

Säglisch mal ganz hert am Wind,

u es verschlaaht der fasch de Schnuuf,

de blättere zrügg u schlaah wieder mau

di erschti Siite uuf.

Di erschti Siite uuf.