Aargauer Songtext / Lyric

I bi es Aargauer Büebli und han es ganz grosses.. Problem.
Di andere Schwiizer lached mi mängisch us, aber i glaube die chömed nöd drus!!
I bi en Aargauer und bi stolz dodruf!
I bi en Aargauer also passed uf!
Das weiss doch scho efang jedes Chind, dass mer Aargauer eifach echli besser sind!
I bi en Aargauer und bi stolz dodruf!
Luzärn, Bärn, Basel hani nüt degege,
Uri, Schwiiz und Unterwalde chame nüt säge.
St.Galler sii das isch scho rächt,
aber wenn is immer wär, denn würs mer schlecht!
I bi en Aargauer und bi stolz dodruf!
Basler sii, das wett i ned! Müend e Larve alegge, dass me s Gsicht ned gseht!
Bärner wär i gern, aber s Problem wär dete, für d Bärnerverhältinis wär ich e Rakete!
I bi en Aargauer also passed uf!!
Autobahne hemmer Chrüz und Quer, das bruchemer au, denn es git viel Verkehr. Millione vo Touriste wend uf Aargau cho, und vor luuter Begeisterig blibets z Ambaregg stoh!!
I bi en Aargauer und bi stolz dodruf!
D Wüsseschaft het gforscht, a was liit echt das, dass de Aargauer alls echli besser cha? Do hends usegfunde, mer sigid halt schlauer, wil mer Rüebli essed, das isch de Rüeblipower!!
I bi en Aargauer und bi stolz!
Vo de Basler oder Bärner chani nüt schlechts säge, mit de Innerschwiizer düemmer üs guet verträge. Und au über d Zürcher chani nüt schlächts brichte, nur das me sött verbiete die Cheibe z züchte!!
Bi en Aargauer und bi stolz dodruf!
I fahre z Züri wie e Wildsau ume, parkiere ufem Trottoir, fahr id Fuessgängerzone. Verweigere de Vortritt, bis di andre zemekrache, jo mit de Aargauernummere chasch das mache!!
Bi en Aargauer und bi stolz dodruf!
Bi en Aargauer und i gsehs ned ii, worum d Zürcher seged, dass mer langsamer sii. Jo mer Aargauer und das macht halt z Züri ned jede, tüend no kurz echli dänke, bevor mer tüend rede!
Bi en Aargauer und bi stolz dodruf!
Und allne wo jetzt gemein zu mer sind, dene hau i mis Aargauerfähnli ume Grind!!
I en Aargauer und bi stolz dodruf!