W. Nuss Vo Bümpliz Songtext / Lyric

D'w. Nuss vo Bümpliz geit dür d'Strass

liecht u flüchtig, wie nes ¨Gas

so unerreichbar höch



Bockstössigi Himbeerbuebe

schüüch u brav wie Schaf

schön föhnfrisiert

chöme tubetänzig nöch



U d'Spargle wachse i bluetjung Morge

d'Sunne chunnt 's wird langsam warm



Sie het meh als hundert ching

u jede Früehlig git 's es nöis

het d'Chiuchefänschterouge off

u macht se zue bi jedem Kuss

u we sie lachet wärde Bärge zu schtoub

u jedes zäihe Läderhärz wird weich






D'w. Nuss vo Bümpliz

isch schön win es Füür i dr Nacht

win e Rose im Schnee

we se gseh duss in Bümpliz

de schlat mir mis Härz hert i Hals

u i gseh win i ungergah



Si wohnt im ne Huus us Glas

hinger Türe ohni Schloss

gseht dür jedi Muur

dänkt wi nes Füürwärch

win e Zuckerstock

läbt win e Wasserfau

für si git's nüt, wo's nid git

u aus wo's git, git's nid für ging

si nimmt's wi's chunnt u lat's la gah



D'w. Nuss vo Bümpliz

isch schön win es Füür i dr Nacht

win e Rose im Schnee

we se gseh duss in Bümpliz

de schlat mir mis Härz hert i Hals

u i gseh win i ungergah