Zehnerlfuxa Songtext / Lyric

es is freidog
alles wunderbar
steh beim spar an da kasse
die regale san lar
hob mit knapper müa und noud
nu an obazdn dawischt
mit an hecht von da seitn
d'letzte hoibe ausigfischt 's konn ned sei
wia i do einiglang
zäi i olle meine kreizer
mir werd angst und bang
ausm letzn daschnzipfe
nu an zwoaring ausagfangt
denn da steht die ganze summe
und die bring in ned zam in da allergrößtn noud
schaug i umme zu dia
hast a zehnerl oder zwoa
griagst a mei voi bier
doch dei schattn is so grous
konnst ned drübaspringa
bei dia geht sis grod ned aus
du bist a zehnerlfuxa(2x)

auch am samstag
alles duad ma weh
die prinzessin nimma do
und die letzte nacht passé
mit 5 dreiviertl hoibe
wern d'mädl oiwei schena
mir woitn scho zur sach
soweit is goa ne kemma
drausd am hausgang
hätt is scho probiert
da hängt a automat
der dich parisiert
zehnerl eine zehnerl ausse
ja da werds ma z'bläd
ko i doa wosa mecht
meine zehnerl nimmda ned

in da allergrößtn noud
schaug i umme zu dia
hast a zehnerl oder zwoa
griagst a mei voi bier
doch dei schattn is so grous
konnst ned drübaspringa
bei dia geht sis grod ned aus
du bist a zehnerlfuxa(2x)