Ich Maach Kölle Nit Songtext / Lyric

Jo, wenn mich einer frööch, wat ich jään maach

Sare ich: Urlaub, Wochenengk und Fierdaach

Manchmol maach ich och Currywoosch

Pommes Schranke

Un öm halver Vier em Morjenjrauen noh Hus ze schwanke



Ich maach Angelina, ävver nit Brat Pitt

Un wenn et sin mööt

Em Nutfall och e Rendezvous zo dritt

Ne leckere Kaffee en d'r fröh, jo, dat maach ich jään

Ich maach et Sönnsche, d'r Mond

Und ich maach och die Stään



Jo, un wenn mich einer frööch

Ob ich he dat Städtche maach, dann sare ich

Et deit mir Leid, dat kann mer esu nit saare

Denn ich saach



Ich maach Kölle nit, ich maach Kölle nit

Ich maach Kölle nit, nä, nä, ich lieb et

Ich maach Kölle nit, ich maach Kölle nit

Ich maach Kölle nit, nä, nä, ich lieb et






Ich maach Fosball, Punkrock un leckere Mädche

E joot Stöck Fleesch, ävver och e Salätche

Dat Jeföhl en d'r Stadt, wenn dä Sommer kütt

Wenn m'r drusse sitze kann

Un irjendjett en d'r Luff litt



Ich maach Tatoos, stramme Föttche un Samba

Ich maach Arsch huh un de Zäng ussenander

Ich maach lang schlofe un koot ze waade

Manchmol schweije künne un och nächtelang schwade



Jo, und wenn dann einer säät

Dat hä ming Stadt nit maach

Dann sare ich



Leve Jung, jenau dat han ich immer schon jesaat

Denn ich saach



Ich maach Kölle nit, ich maach Kölle nit

Ich maach Kölle nit, nä, nä, ich lieb et

Ich maach Kölle nit, ich maach Kölle nit

Ich maach Kölle nit, nä, nä, ich lieb et



Ich maach ming Mama un vill Ramba Zamba un

Nutella, Hubba Bubba, Maoam un Mamba un Kölsch un Cola Rum, suvill mer krieje künne

Danz jään Samba met Marie un Anna

Bis mer fleeje künne



Aff de Poss, wat es loss, häs do e Problem domet

Dat ich saach: "Jode Daach, ich maach Kölle nit"

Nä, ich lieb he dat Städtche

Jo, ich lieb ming ze Hus

Wie dicke Mädche Schokolädche

Un Tommy et Meiers Kättche - ich bin erus



Ich maach Kölle nit, ich maach Kölle nit

Ich maach Kölle nit, nä, nä, ich lieb et

Ich maach Kölle nit, ich maach Kölle nit

Ich maach Kölle nit, nä, nä, ich lieb et



(Dank an Flo für den Text)