Alma Songtext / Lyric

Ch'ellu sia lu ghjornu

Ch'ellu sia la notte

Mi cunsuma la vita

È mi strughje lu core

Una vuciata corre

Sottu à una falsa fiura

Di u meiu l'onore

N'anu poca primura






U mio nome hè gia scrittu

Cum'è terra dannata

Soca cum'è delittu

Sò digià cundannata

Da lu mio celu afflittu

Una petra hè cascata



S'è vo avete un rigrettu

Un rimorsu una brama

Pè guarrì lu dispettu

Chì vi dissenna l'alma

Datemi lu rispettu

Pè l'amore di Mamma…



Vi prumettu li fiori

Vi prumettu una festa Bis

È i mei l'amori

I metteraghju in testa…