Mei Vadda Songtext / Lyric

Seit a paar Wochn is a wia verändert,
seit a paar Wochn is a wieda jung.
Er flockt’ im Rasn hinten in da Sona
und sagt:“ Es Arbeitn is mia vui z’dumm.“

Er trogt nur Jeans und die Haar wochsn eam ins G’nack,
er strahlt übers ganze G’sicht.
Und die Kotlettn tragt er wia da Elvis Presley
i woaß net, was is mit mein Vodda passiert?

Sei Auto hoda aa scho lang nimma g’waschn,
statt dem macht er jetzt Yoga jeden Tag um oans,
er hat an Ohrring und a Bagwan-Ketten,
jo und auf des is er so unheimlich stoiz.

Da Rasn deaf nimma g’maht wern er braucht Wildnis,
hodas s’letztmoi am Nachbarn g’sogt,
und wia der bled daherg’redt hod hod a sei Hosn obezogn
und eam an nackertn Arsch ume zoigt.

Mei Papa hot an Marijuana-Bam,
seitdem is der Typ wieda Völlig normal
Mei Vadda raucht jedn Tag a handvoi Shit
und i ois braver Bua, i rauch natürlich mit.

Geh weida Burli hot a s’letzt moi g’sogt zu mir
hau di zuwa do jetzt rauch ma uns g’scheit ei.
Er hot an roadn Libanesen übern Tisch ume g’schobn
i hob ma denkt, daß i’s nimma dagrei.

Und wiara zua war wiara Nosn im Winter
hoda sei Ziddan fira zaart,
und einen Wahnsinnssound durch Reichahoi g’jogt,
da ham se’d’Ohrwaschl im Dreieck draht.

Er is a lustigs Biascherl woan, mei Vadda
und a mei Großmuatta raucht fleißig mit
des woara Orwat bis ma de so weit g’hobt ham
oba zum Schluß hat sie’s dann doch kapiert.

Drum wachsn jetzt in unserm Rasn, wo da Vadda owei liegt
Marijuana-Bam in Himme nauf,
und jeden Tag in da Fruah siechstas steh de zwoa
eingehüllt in blauen Rauch.

Mei Vadda hot an Marijuana-Bam
seitdem is der Typ wieda völlig normal,
mei Vadda raucht jeden Tag an Eimer voi Shit
und i ois braver Sohn, i rauch natürlich mit.