Manchmoi Wenn I Aufwach Songtext / Lyric

Manchmoi wenn I aufwach dann büd I ma ein, daß endlich passiert is, jo olss is vorbei, daß

die Welt nimma steht und daß koana mehr lebt, daß koana mehr lebt, daß koan Vogel,

koan Käfer koan Graßhalm mehr gibt! Manchmoi wenn I aufwach dann büd I ma ein,

daß si koana mehr weart, des muaß ja net sein, daß koana mehr aufsteht bloß ergeben und starr

und I a so bin wia mei Voter mol wor! Manchmoi wenn I aufwoch dann büd I ma ein,

daß I oawat und buckl net froh bin und frei, mi mit 65 hieleg und wort bis I stirb

und meine Kinda bloß wissen woin wos amol kriagn! Manchmoi wenn I aufwach dann büd

I mir ein, daß I alles wos gsogt wird glei glaub und nia schrei, daß I im Erdinger - Moos

draußt an Flughafen bau und jeden Tog mehr unsa Landschaft versau! Manchmoi wenn I aufwach

dann büd I ma ein, obwohl I nix hear, hear I trotzdem wen schrein, und obwohl I nix riach,

riach I trotzdem den Gstank, von Menschen des umbrocht hom in unsam Land!

Manchmoi wenn I aufwach dann büd I ma ein, daß I mit olle andern Karnacken rauß schrei,

und daß die Leut die ma 20 Jahr mein Dreck weggrahmd hom, aufamohl nuamehr Obschaum und Luft

für mi san! Manchmoi wenn I aufwach dann büd I ma ein, daß i mit meine Kinda net red sondern schrei,

daß I erna no lern wie ma schön tuat und kriacht, bis mei Bua seine Kinda genau so erziagt! Manchmoi wenn I aufwach

dann wünsch I ma so, daß ma jemand die Angst nimmt die Angst vor dem Tog,

oder daß ma irdendwer sogt daß deis olles net stimmt,

wos I jeden Tog wieda mi eigne Augn shmen