Endlich Eine Arbeit Songtext / Lyric

S´Arbeitsamt hot mit jetz endlich eine Arbeit Gsuacht
Und wie´s mir die Kartn gebn ham Leid, do hob i
Ganz sche gfluacht.
Ois Mechaniker bei M.A.N., a andrer dad se gfrein
jedn Dog um simme aufsteh, des ko nix bsonders sei

Von Heidhausn bis do auße braucht i mindestens a Stund.
Achtzehn Kilometer einfach und des mittn durch de Stodt.
Und für des griag i dann monatlich an tausender Auf d´Hand.
Wennst s´Benzin und Brotzeit obziagst, bleim da Zwoa-Dreihundert Mark.

I fahr hoam und farb ma meine Hoor,
I ziag ma Springastiefel und mei Leopardnhosal o,
Eine Kettn nei ins Mei, daß ma de Goschn hintre Ziagt
Und dann schau ma amoi, ob i de Arbat griag, ja ja
Ja, dann schau ma amoi, ob i de Arbat griag.

Leider war die Stell scho weg, a andrer war scho Vor mir do.
Trotzdem preisn se´s an Dog drauf wieda in da Zeitung o.
Und heit muaß i nomoi eine ins Arbeitsamt, Pfahlkirchner Strass.
Langsam gengans ma auf d´Nervn, mit der Zeit griag I an Hass.

Leider hams nix ois Mechaniker, aber des war wos Für sie.
Ois Page im Vierjahreszeitn, fahrns doch glei moi Hi.
Wenns recht freindlich san und griachan, kennan
e´s scho zu wos bringa.
Ja sog i zu eam, do konnst ma du a Liadl davo Singa.

I fahr hoam und farb ma wieda meine Hoor,
I ziag ma Springastiefel und mei Zebrahosn o,
Eine Kettn nei ins Mei, daß ma de Babbn hintre Ziagt
Und dann schau ma amoi, ob i de Arbat griag.

Desmoi soi i mi in Schwabing in am Kleinbetrieb Vorstelln.
Weils do oan im Lager brauchan, dreizehnhundert
Dadns do zoin.
I bedank mi no recht freindlich bei dem Typ der Vor mir sitzt.
Muaß mi furchtbar zamma reißn, daß i eam net oane Schmia.

Und dann fahr i wieda hoam und farb ma meine Hoor,
I ziag ma Springastiefel und mei Leopardnhosal o,
Eine Kettn nei ins Mei, daß ma de Goschn hintre Ziagt
Und dann woi ma amoi schaun, ob i de Arbat desmoi Griag.

I fahr do hi und klopf beim Chef seim Türl o,
Geh lässig eine und hobs Gfui, mir hauns mim Hamma Auf mein Kopf.
Hinterm Schreibtisch sitzt a Punk mit am Lackiertem Bürstnschnitt,
Seitdem bin i drunt in Schwabing Lagerist, ja ja,
Seitdem bin i drunt in Schwabing Lagerist.