hymna Songtext / Lyric

HYMNA
Text: Gimma, Musik: Claud

also ali zäma los as bier paratstella
buuch ine bruscht usse und hand ans herz, ya!
erschta ton asinga... hmmm okay...
mini dama und herra dia noi nationalhymna

(2x)
machend alli zäma lärm für dia rot wiis fahne
mir wänd nid an dia WM für an troschtpriis fahne
sägend «GOOOLLL...» yeah das netz muas zappla
sägend «GOOOLLL...» yeah di schüss müand kracha

jetzt isch alles in butter, mir händ super tschutter
und nid so meitli mit frisuura wia dr alain sutter
und z´geilsta dra isch das isch gar nüma neutral
das land hät jetzt au stars, anderi nama und farba
nama vo überall, das team isch jung und wild
und z´spiegelbild vo kids us allna ecka vor schwiiz
fertig schüüch am hänga,i will gseh fackla brenna
bis mer träna chömed wia bim 4/1 gäg rumänia
jetzt wird scharf gschossa wia bir arme mit gwehr
dr gegner wird i bode gstampft wia voma greni ter
i will a vorstellig vo schwiizer präzisionstechnik
i will dr ball im netz gseh wia bima george bregy
will xeh wiamas fiirt wiana titelspiel am singa
bis dia ganz schwiiz rot gseht wen am köbi sini zinge
fahna schwinge, z´ganza stadion singt d´nationalhymna
lönd si üs astimma

also ali zäma los as bier paratstella
buuch ine bruscht ussa und hand ans herz, ya!
erschta ton asinga... hmmm okay...
mini dama und herra dia noi nationalhymna

(2x)
machend alli zäma lärm für dia rot wiis fahne
mir wänd nid an dia WM für an troschtpriis fahne
sägend «GOOOLLL...» yeah das netz muas zappla
sägend «GOOOLLL...» yeah dia schüss müand kracha

das isch kein WM song, i nimma numa stellig
welli i stolz bin uf jede vo däm team und sina könig
do söll sich jeda mol a schiiba schniida vo dr moral
und nid nur jommera laufts wider numa normal
und bi jedera niderlag wider vonara kriisa schnorra
jetzt stoht d´schwiiz do vorna und hät riisa schnorra
üsers kliina land plogt nämli au dia ganza grossa
luag d´franzosa ah heigschickt mit halba hosa
jetzt isch verbi mit zittra, mer sind a stuufa wiiter
alli händ jetzt schiss vor da struuba schwiizer
rutschend mr dr buggel ab mer lönd üs nümme schupfa
z´ganza land schreit schu free beni huggel
jetzt wird drugg gmacht im sturm und hina gsperrt
und wenns si mues gspärzt, jetzt hät d´schwiiz as herz
as bruucht nur isatz und das ding isch gritzt
das team isch fit, das ding im netz!!! los ab jetzt

also ali zäma los as bier paratstella
buuch ina bruscht ussa und hand ans herz, ya!
erschta ton asinga... hmmm okay...
mini dama und herra dia noi nationalhymna

(2x)
machend alli zäma lärm für dia rot wiis fahna
mir wänd nid an dia WM für an troschtpriis fahra
sägend «GOOOLLL...» yeah das netz muas zappla
sägend «GOOOLLL...» yeah dia schüss müand kracha