De Soundtrack Zu Dim Läbe Songtext / Lyric

jede chliinschti moment isch wie es gschenk und en fluech gliichziitig, spielsch d'hauptrolle i dim film, schriebsch s'dreihbuech gliichziitig, machsch d'stunts alli sälber au wenns der keine zuetraut, und wänns niemmert interessiert bisch din einzige zueschauer, din gröschte kritiker, schlimmschti feind, wie din beschte buddyfilm: "ihr sind immer z'zweit" es tights duo bis as happy end, s'tragische finale, öb was originales oder - a was altem aglehnts, "us em läbe vo..." de arbeitstitel, mit jeder wändig i de gschicht, jedem neue kapitel, wachst die minute zum aafang vonere saga, wie die brätter wo die wält bedüütet, wo'd ned chasch versaga, kamera rollt, de sound lauft und shit, doch nach de perfekte szene schreit niemert: "und schnitt!" sandwiches muesch sälber mache, über d'witz sälber lache, ich versuech regie z'füehre: "halted ihr doch sälber d'klappe!"

(4x)
das isch meh als rap, ich mues es säge: de soundtrack zu dim läbe.

teil händ en schlächte empfang, und ich bi jo au ned immer uf sändig, verpassed all die inhält und catched immer nur d'ändig, doch schlussändlich spielts kei rolle, ned e'mal als statist, wie das alles chönnti sii - anschtatt isch, ich han die wält ned erfunde, chan nur drüber chli rede und gib der do filmriif verpackt din soundtrack zu dim läbe, teil rhymes mached sinn, doch das müend sie nöd, dini kollege chönds geil finde, doch müend iigseh, das ich ned in l.a. hocke vor sonere villa, und wem söll ich do ratschläg geh ohni sonere villa? wänn sie hett, währi chuum sonen riese trottel, wo mer beats baut, text schriibt und sälber dopplet, ich het features vom feinschte, dre-beats würd mer leischte, videos wo begeischtered, du weisch scho was ich meine, hochglanz 36 millies, s'alte breitbild, im teich 36 militanti haifisch