Veris Dulcis Songtext / Lyric

Veris dulcis

Veris dulcis in tempore
florenti stat sub arbore
Iuliana cum sorore.
Dulcis amor!
Qui te caret hoc tempore,
fit vilior.
Ecce florescunt arbores,
lascive canunt volucres,
inde tepescunt virgines.
Dulcis amor!
Qui te caret hoc tempore,
fit vilior.
Ecce florescunt lilia,
et virgines dant gemina
summo deorum carmina.
Dulcis amor!
Qui te caret hoc tempore,
fit vilior.
Si tenerem, quam cupio,
in nemore sub folio,
oscularer cum gaudio.
Dulcis amor!
Qui te caret hoc tempore,
fit vilior.