Chramer, gip die varwe mir Songtext / Lyric

Chramer, gip die varwe mir,
die min wengel roete,
damit ich die jungen man
an ir dank der minnelieben noete.
Seht mich an,
jengen man!
Lat mich iu gevallen!

Minnet, tugentliche man,
minnecliche frouwen!
Minne tuot iu hoch gemuot
unde lat iuch in hohen eren schouwen.
Seht mich an,
jungen man!
Lat mich iu gevallen!

Wol dir, werlt, daz du bist
also freudenriche!
Ich will dir sin undertan
durch din liebe immer sicherliche.
Seht mich an,
jungen man!
Lat mich iu gevallen!