Sälber Schuld Songtext / Lyric

Ych will euch nid nur hinterhärrenne wie der Johny Bravo
Sofort vo null uf hundert und am Schluss bisch nid mol aachoo
Ohni euch wär s’Läbe farblos, Partys wo kein me aastoht
Telefon wo kein me draagoht und d’Männerwält verwahrlost
All die Machos sin plötlich verzwyyflet und machtlos
Wenn si schniegled am Barfi stöhn und niemer si abholt
Aber was solls? Bi mir ändret sich wenig
Ych triff Kollege wo plötzlich Zyyt hän und blyyb single uf ewig
Bi mir isch’s uf immer erledigt, das leidige Thema
Ha mr vorgnoh und yyghalte bis-y s’neggscht meitli so gseh ha
WOW, die bei sind scho mega und das lächle macht mi eh scharf
Alli verspräsche vergässe, ych heb ab wie d’Rega
S’isch als hätt-y Lepra, mi Körper macht was är will
Mi Verstand geg mi Instinkt, verdammt das git e schwärs Spiel
Denn Alk het mi Schmärz tilgt, aber setzt au dr Grundstei
Für die neggscht Dummheit, Fetch uf pirsch bedütted Unheil.

REFRAIN:
S’isch wie verhäxt, mit euch klappts nid wie mit Beats und Raps
Und ych weiss mi Yysatz isch nid grad vo Yyfer prägt
Doch wenn mr permanänt mit sine Zwyyfel läbt
Sin dr wie Ryychtum für Penner: schyyr z’witt e wägg
S’lauft mr d’Zytt e wägg, ych ha scho lang kei Gedulg me
Soch bi euch litt nid dr Fehler, Y muess mr sälber d’Schuld geh

Ych schaffs nid uf Fraue zuezgoh, als obs mi Job sig
Und anstatt sie in rue z’loh z’behaupte sie sige mi Hobby
Vorhär bin-y übel zwäg gsi und ha gmeint bald kotz-y
Doch denn bisch du cho wie d’Erlösig und jetz bin-y top fit
Ych glaub nid, dass’ a mim kopf litt, nei mi Härz hett gschmärzt
Nur stächend und schleppend pocht als gängts abwärts
Aber denn du weisch jo was passiert isch, kunnsch du zu miner
Erliechtrig diräkt an mi tisch, ych frog ob mit mr e Bier trinksch
Du bejohsch, d Källner serviert gschwind, wow e erschte Liechtblick
Dr DJ spielt mi liebschts Lied, aber mi interessierts nid
Will ych ha nur auge für di, denn du verzauberisch mi
Amors Ryych isch überall und mir tauche drinn yy
Wild entflammti Küss eine uns, berusche und zeige uns
Dass s’grosse Glück meischtens in süesser Begleitig kunnt
Plötlich zuck-y zämme, dreih mi um, was isch passiert was?
Ey Fuck! Alles nur träumt, dini Lippe dr Rand vo mim Bierglas

REFRAIN

In sache Party ha, bin-y immer erschte Kandidat
doch ych stell mich tappig aa wie Langläufer us Afrika
sobalds um Ladies goht und drum: wie machsch sie aa?
Will entwäder z’Brachial oder samtweich wie Vaginas
Frog mi oft: wie mach ych das, damits mit miner Absicht klappt?
Denn mich und mini Adidas bringsch oft nur no mit Schnaps in fahrt
Und wenn sich dä mit mim Wahnsinn paart, wird’s euch nümm gfalle
Will sich mi Wortschatz beschränkt uf „Geil“ und „Gib mer fünf Aldde“
Mir stinkts vie Müllhalde, doch y cha mi nid öffne
Wenn ych e Frau vergöttre wo mich flasht wie cola löffle
Will wenn’s ums Härz goht wärde Zwyyfel rächt gross Standpauke sin zwäcklos
Egal ob jetz oder näggscht mol
Will wenn mi Rap rollt, will-y nid nur Spese als Wägzoll
Nei mängmol will au mi Hängscht us sim Hoosestall
Uf e klyyne Ussritt in die Wält so gross und kalt
Aber sobald är uf Schicksals harte Bode knallt
Kehrt är zrugg an dä Ort wo’s ihm am beschte zum wohne gfallt.