Mini Story Songtext / Lyric

Das isch mini Story, mis Läbe, mini Gschicht, mini Gegend, min Kampf, mis Business und so wies ich nenne .. das isch mini Story. Das isch mini Story, mis Läbe, mini Gschicht, mini Gegend, min Kampf, mis Business und so wies ich sägä .. s'Läbe isch en Movie. Drisigste September 1976 chunt es baby zur welt im Unispital Züri-City. Vater isch stolz und Mama isch z'friedä. De Pfarrer taufts Baby Marco i de Chilä. S'Geld isch knapp, es langet für Chleider und Pampers. Das Baby wachst uf i bescheidene Verhältniss und es wird älter mit andere Chinde im Arbeiterviertel vo Züri Schwammedinge. Zwüsched Autobahnusfahrt und Reihehuussiedlig entwicklet das Chind sind ganz eigene Wiile. Isch dur Shoppingcenter zoge, het sich nüt chöne leiste und drum agfange chlaue und anderi scheisse. En Brüäder isch cho, ä Schwöster isch cho, als ältischt gschwüster isch d'Verantwortig gross. Sie sölled gfälligts läbä i besserem Umfeld, sind drum zoge ufs Land zoge in es bessers Umfeld.

Das isch mini Story. Ich schriib min Biography. S'Läbä isch en Movie. De Regisseur devo bin ich.

Chli Marco het ä Gittare übercho vom Vater und het es Läbä gläbt imene Huushalt voll Platte. Sitz mit eim Ohr ällei im Zimmer hebt eis Ohr ad Wand, ghört i de Stube vo James Brown bis Rolling Stones. Kei Interesse für d'Schuel, meh Interässä für Musig, meh Interässä für Mädels und mit de Jungs use. Macht sich null Gedanke übere Bruefskarriere, het öbis müssä mache und macht ä Lehr als Sanitätär, chunt i Kontakt mit Rap, genau was er wett, kenne nimmts ernst, jede haltets für en Witz, drüü Jahr spöter, er bestaht sini Lehr, het nur Rap i sim Schädel und ke zit fürs Militär. Sini erst eignig Wohnig mit Nünzänni, sini erst richtig fründin, sie heisst Tänni, sis eigne Auto und sin eigne Lohn und en uhuere drecks Job us spoon.

Das isch mini Story. Ich schriib min Biography. S'Läbä isch en Movie. De Regisseur devo bin ich.

Us Marco Bliggensdorfer isch Bligg worde, Bligg hät CD's gmacht und die sind ghypt worde, die erschte Konzert, die erschte Fans und es Team a de site wo glich tickt wie är, zersch no als Duo und spöter ällei, ällei alles gmacht, sogar Flyer verteilt, die ersti Vertrag mitere Plattefirma und de Marco hät sich gfühlt als wäri Wiehnachte. Trotzdem go schaffe, am 7ni uf de Boustell, fühlt sich fehl am Platz wie en Priester im Bordell, mitlerwile hend Lüüt denkt er seg en Star und er hät nöd ma gwüsst wie er sött Stüüre zahle das Jahr, het Zite gaht, die wird er nie vergesse, wo er nöd gwüsst hät was er söll morn fresse, das isch kei Gschicht übere Totebänd, das isch e Gschicht vomene Self-Made Man.

Das isch mini Story, mis Läbe, mini Gschicht, mini Gegend, min Kampf, mis Business und so wies ich nenne .. das isch mini Story.

Das isch mini Story, mis Läbe, mini Gschicht, mini Gegend, min Kampf, mis Business und so wies ich sägä .. s'Läbe isch en Movie.

Das isch mini Story. Ich schriib min Biography. S'Läbä isch en Movie. De Regisseur devo bin ich.

Das isch mini Story. S'Läbä isch en Movie.