Wenn Mir Kölsche Singe Songtext / Lyric

Wenn mir Kölsche singe

Musik und Text: H.Knipp/ Bläck Fööss


Refrain: Wenn mir Kölsche singe
simmer janz dobei
Wenn mir Kölsche singe
stommer all en d‘r Reih,
weil et öm et Hätz dir dann leichter weed.
Jo, wenn mir Kölsche singe,
singk selvs d‘r Herrjott met.

1) Leeder zom Laache, zom Kriesche och
Hammer en Kölle satt un jenoch
Wat uns bewäch un wat uns bedröck,
dat muß einfach rus, söns weed m‘r verröck

Refrain: Wenn mir Kölsche singe ...

2) Wenn de e Trönche verdröcks un en Jänsehuck kriß
dann halt dich am beste aan nem Leckerche feß.
Wenn et Spreche d‘r schwerfällt, janz ejal, wo‘t draan litt,
dann hok dich doch en un sing einfach met.

Refrain: Wenn mir Kölsche singe ...

C-Teil
Häs de ens met uns jesunge
met all dä Mädche un dä Junge
wees de immer widderkumme
wä bliev schon jän allein.

Refrain:
Wenn mir Kölsche singe
simmer janz dobei
wenn mir Kölsche singe
stommer all en d‘r Reih,
weil et öm et Hätz dir dann leichter weed,
jo, wenn mir Kölsche singe,
singk selvs d‘r Herrjott met
singk selvs d‘r Herrjott met
un met däm Düvel öm de Wett,
singk selvs d‘r Herrjott met
un met däm Düvel öm de Wett
singk selvs d‘r Herrjott met
jo, met däm Düvel öm de Wett.

© Bläck Fööss 2003