Neppes, Ihrefeld Un Kreuzberg Songtext / Lyric

Ihr kohmt uss Ankara
un hadd jedaach, he wöör et wunderbar,
hadd jedräump vun unsrem Wohlstand
vum Jlöck un vun nem volle Kühlschrank.

Vun Istanbul bess Köln Hauptbahnhof
mem Zoch, wobei üch ziemlich klaar woot,
wie wigg et ess, vun he bess dohin,
wo Frau un Pänz jetz noch doheim sinn.

Su stund ihr do, mem Pappkartöngche
hadd jedaach, üer Zick, jetz köhm se
ussjerötsch op Chromattrappe
hadd ihr jedaach: Jetz möht et klappe.

Neppes, Ihrefeld un Kreuzberg
Castrop Rauxel, Ford un Bergwerk
Türkeveedel, fass wie Harlem
Müllabfuhr un waade, waade,
merke, dat mer nit erwünsch ess,
un met 'enm Schnäuzer keine Minsch ess.

Drei Johr Etagebett,
Sibbe Mann en ein klein Buud jequetsch,
de Strooß jefähsch, Akkord am Fließbank
un övverstunde für paar mieh Mark.

Dat Jeld, wat üch dann övvrich blevv,
dat hadd ihr brav nohuss jescheck,
Frau un Pänz die dääte waade,
op ene Breef: Kutt noh, ich waade.

Zwei Zimmer, Altbau, Klo am Flur,
vierhundertfuffzich Märkcher nur.
Su ess et jetz, su weet et blieve,
saat: Wooren dat die Wunschtraumziele ?

Neppes, Ihrefeld un Kreuzberg

Mer wooren do, en Ankara, en Aydin
un och en Tekirdag.
Do joov et Raki, Thy un Köfte,
Basaars, Cafees un klein Jeschäfte.

Mer hann jespellt für jros un klein
Mer hann jeschwaad met ärm un Bein,
Mer hann jedanz, jerauch, jesoffe,
Mer hann die Männ doheim jetroffe.

Op eimohl säht dä Schmal: "Verdamp.
Häss do dich och wie ich jeschamp?
Verjlich ens, wie die he zo uns sinn,
un wie mer die ze Kölle ahnsinn.

Neppes, Ihrefeld un Kreuzberg