Lass se doch reden Songtext / Lyric

Lass se doch reden, Lass se doch reden,
Lass se doch reden, Mann,
Lass se doch reden, reden, Mann.
Uss Doseblech en Kron,
`ne rostje Thron uss `nem Friseursalon.
Hä dräht Karnickelfell als wöhr et Hermelin.
Sing Residenz ess wieß jekalk
met schwazze Auge drop,
en Galeonsfigur sing stumme Königin.
Ne joldlackierte Kamelknoche
deent als Zepter
un övver allem litt dä Duft
vun Katze, Diesel un Jasmin.

Lass se doch reden, hühr doch nit hin.
Dat he`s ding Leben, lass se doch saare:
Dä spennt.
Lass se doch reden, Mann,
völlich ejal....völlich ejal.
Dat he ess ding Welt
und die jitt keiner jet ahn.

Hä kann op Lava jonn,
die Sprooch vum Wind verstonn
un nennt sich Robinson.
Sing Untertane modellierte´
uss Droht un Jips.
Ne kahljeschmuste Plüschgorilla
´s singe Hofnarr un dä einz`je,
dä mit ihm op dä Veranda sitz.
Nä, sing Triumphzöch fallen us
sick zwei, drei Johre,
hä will die zojetrockne Vüürhäng
op sing ahl Daach nit mieh sinn.

Refrain