Flüchtig Songtext / Lyric

Ahm fünfte zweite 86 kohme ahn,
mit der Nommeddachsmaschien uss London.
Ne blasse Engländer in der Ankunftshall en Wahn.
„Dat musse sinn, das’ uns’re Trommler.“
Keiner woss vum and’re övvermäßig vill;
’t ess och nie furchtbar vill jewoode.
Wemmer nit oppaß, steht en Sanduhr plötzlich still,
un mer ess öm sing Zick bedroore.

Beim Marathonlauf wood noch nie ärsch vill jeschwaad,
su och bei uns, ’t weed halt jeloofe.
Mieh will mer dann nit, „funktioniere“ ’s anjesaat,
als hätt mer Flücht’jes zo verkoofe.
Flücht’je Hotelbars, flücht’je Small Talk, ’n Hääd Gigs,
das’ fast schon alles, wat mir enfällt,
dobei wohr mieh drinn – typisch – denn dat saach ich jetz,
wo mir jet bei der Addition fählt.

Op Chinas Bühne hann ich off ahn dich jedaach,
du blasse Engländre, du Trommler.
Hätt’n dir jefalle do, hätts – gläuv ich – off jelaach,
wie mer nur laach, wemmer uss London.