Dickie Se Lied Songtext / Lyric

Dickie is skaars dertien

Sy maak haar lippies rooi

Sy't lankal al haar lappop

Op die ashoop weggegooi

Dickie rook 'n camel

Sy skink 'n glasie wyn

Sy sê dit maak die stemme stil

Al proe dit soos asyn



En Dickie sê sy's eensaam

Dickie sê dis laat

Dickie sê dis tyd dat ek weer huistoe kom en praat

Oor dinge wat verby is

En dinge wat gebeur

Die dinge wat op loer lê

Net buitenkant haar deur






Dickie suig op veertien

Soet dagga uit'n pyp

Sy dans alleen vir niemand

Haar mond is oop en ryp

Dickie staan op agtien

Verwese in die straat

Sy's uitgeleef en deurmekaar

Sy bly aanhoudend praat



En Dickie sê sy's eensaam

Dickie sê dis laat

Dickie sê dis tyd dat ek weer huistoe kom en praat

Oor dinge wat verby is

En dinge wat gebeur

Die dinge wat op loer lê

Net buitenkant haar deur

Net Dickie sien die ou man

Net Dickie hoor hom roep

Sy's tien jaar oud

En hardloop weg

Vir sy hande op die stoep

Iemand het 'n lappop

Op die ashoop weggegooi

Sy was gedaan en stukkend

Geskeur en nie meer mooi nie

'n traan loop oor haar lappopwang

Want dit begin te reën

En daar lê sy ou lappoppie

Op die ashoop so alleen



Dickie drink op twintig haar laaste bitter pil

Haar arms om 'n teddiebeer

Haar lyk is jonk en stil